काठमाडौं,११ असोज । नेपाली सागींतिक जगतकै एक उदयीमान् गायक सन्देश श्रेष्ठको ‘मायामा’बोलको गीत दर्शक श्रोताले निकै मनपराएका छन् । स्वर्गीय पिता बरिष्ठ सगींतकार गणेशप्रसाद श्रेष्ठको सागींतिक यात्रालाई पछ्याएका सन्देशले करिब सयवटा गीतमा सगींत भरिसकेका छन् भने उनकै स्वरमा करिब दर्जन भन्दा बढी गीतहरु बजारमा आइसकेका छन् । अहिले युट्युबमा निकै हिट भइरहेको ‘मायामा’ बोलको गीतको भिडियोको निर्देशन तथा छायंकन सञ्चु थोकरले गरेका हुन् भने सम्पादन निशान घिमिरेले गरेका हुन् । भिडियोमा सन्देश,प्रतिक्षा पाण्डे र कुमार लामाले अभिनय गरेका छन् ।