असोज १० गते- अख्तियार दुरुपयोग अनुसन्धान आयोगले सेवाग्राहीसँग रु १० हजार घुस लिँदै गर्दा थलामा नै पक्राउ परेका मोरङस्थित सहरी विकास तथा भवन निर्माण विभाग डिभिजन कार्यालयका इन्जिनियर चन्देश्वरी यादवविरुद्ध आजै विशेष अदालतमा आरोपपत्र दायर गरेको छ । टङ्कीसिनवारी गाविस–२ स्थित महिला समन्वय समितिको भवन निर्माण गर्न निकासा भएको रकम लिन जाँदा इन्जिनियर यादवले सेवाग्राहीसँग रु १० हजार घुस लिँदालिँदै आयोग टोलीले समातेको थियो ।